صباحكم / مسائكم خير 
بما إني اشرفت على مرحلة العطاله فما كان من محدثتكم إلا انها تبحث عن وظيفة
من ضمن الأماكن إللي قدمت عليها مدرسه أهلية لأن سمعتها كويسه في العمل والوظائف على إني رافضة مبدأ العمل في المدارس بشكل عام وكانت هذه المدرسة الوحيدة إللي قدمت عليها
ثاني يوم يجيني اتصال الو أستاذه هديل ,, نعم ,, نحتاج نعمل معك مقابلة بكره في الساعه 8 الصباح ,, اوكي خير
واروح ثاني يوم المدرسة واتفاجأ ان الوظيفة لرياض الأطفال خخخخ وانا تخصصي تقنية حاسب آلي شبكات خخخ
وطالبيني ادرس انجليزي مره ما تجي خخخ
المهم كنت صريحة معاها قلت لهم اسعدني اتصالكم ,, لكن ما اقدر استلم الوظيفة هذي ابد
ليييش !! ,, قلت لها علشان اكون معك صريحه اكثر انا ما عندي قدرة ولا خلفية واقعيه إني اقدر اتعامل مع اطفال بهذا العمر واغلبهم من 5 سنوات واقل
راح اظلمهم صراحه ,, وكنت حابه اتوظف بمجال تخصصي او بالإدارة أي شيء بعيد عن الأطفال
المهم وش إللي صار إن اخوي وصلني المدرسه وراح دوامه عنده محاضره ولا يخلص قبل الظهر
ولا فيه احد يمر يأخذني ,, وصديقتي تدرس في المدرسه في قسم رياض الأطفال تمهيدي
اتصلت عليها قالت لي تعالي عندي بالفصل قلت لها وييين لاء أخاف اشتت الأطفال ومره صعبه 
قالت لي لاء اليوم ينصرفو الأطفال الساعه 9 ونص وما عندهم شيء اسبوع تمهيدي
ورحت الفصل وادخل السلام عليكم والأطفال عينهم علي خخخ وتكثر التساؤلات
من هذي يا ابله صحبتك ؟ ,, طيب ليش جات !! خخخ
من ضمن المواقف إللي انهم كانو عاملين حلقه وينشدو وتعلمهم حركات الأنشوده بالأصابع خخخ
وحده من البنات تزنن ماشاءالله تقول لبيدو يا ابله خلي صحبتك تجلس معانا بالحلقه خخخ والله واروح واجلس وسطهم
وفيه اولاد ماشاءالله تبارك الله ,, مشبوكين على 220 خخخخخ جابو لي الأعصاب
وفيه طفله كبت عشاء اهلها خخخخخخخ نشرت غسيلهم بالمعنى الأصح ” الأطفال فضاااايح ما ينقال عندهم شيء انتبهو “ والواحد لازم لا يسترسل معاهم علشان لا يتعودو يطلعو اسرار بيتهم !
اكتشفت ان معايا حق ارفض الوظيفه لعدة أسباب :
أولاً إنها ما راح تفيدني كخبره في مجال تخصصي مستقبلاً
ليس عندي خبرة في تقنية رياض الأطفال والطرق الفنية للتعامل التقني معاهم خخخخخ
كنت احس إني مثقفه من ناحية التعامل مع الأطفال لأني احب اقرأ كتب كثير بالتربيه والطفل وتعزيز ثقته بنفسه وتعامله وتنمية شخصيته ومهاراته ,, بس الواقع يختلف كثيررررر
ويبغى له طولة بااااال ,, وسعة صدر وبما إني افتقر للقليل من هذه الصفات اسأل الله بأن يعوضني بوظيفة خيراً من رياض الأطفال بما يناسب طموحي وتخصصي ومجالي الدراسي على إن البعض من حولي لامني على رفضي للوظيفه بقولهم ” يا شيخه خذيها تسلية ولا جلسة البيت ” بس مو حرام اتسلى على حساب الأطفال و أضيع من وقتي بشيء ما راح يفيدني ولا لي خبره فيه !
والمفروض إن المدارس الأهلية تراعي انها توظف بمن هم اهل للتعامل مع الأطفال وخبره علمية لأنهم أماااانه والعمر هذا هو العمر إللي تتكون فيه شخصية الطفل ,, مو معقول خريجة ثانوية عامة معلمة لروضة أطفال !! والمفروض بعد ان الرواتب بشكل عام يعاد مسألة النظر فيها والله يا إنهم يشتغلون شغل بعد المعلمات في المدارس الأهلية !
شطحه خارج النص
خطرت في بالي افكار كثيييير من ناحية العمل كل الوظايف تطلب خبرات سابقه ,, طيب من وين نجيب خبرات وتونا متخرجين وكل الأماكن تطلب خبره ولاء بعد اقل شيء خبره 3 سنوات !!
المفروض بعد التخرج يوفرون لنا بيئات عمليه للتدريب ,, ويعززون المناهج بالتطبيق العملي اكثر من النظري
لازم يكون فيه بيئة عمل لإكتساب الخبره
أخيراً ,,
تمنيت اليوم أمنيات كثير منها اني ارجع طفله لروضتي واكبر همي ابلة سوزان وألعب مع لمـى وسلمان 
!
,, وهذا الحلا من الأصناف إللي احب اقدمها مع القهوه من فترة لفتره نوع من التغير عن الشوكولاته 
” لونه يكون على ذهبي مو محروق !
( 3 فناجين قهوه سكر + علبة قشطه ) 
.
وكنت انبسط مره وإذا احد سألني عن طريقته اصرف علشان لا احد يكتشف السر 
